आज सोमबार शेयर बजारमा नेप्से घटेको छ । नेप्से सूचकसँगै कारोबार रकममा पनि केहि गिरावट आएको छ ।
नेपाल स्टक एक्सचेन्ज (नेप्से) ८ दशमलव ८५ अंकले घटेर १ हजार १ सय ४४ दशमलव २७ को बिन्दुमा कारोबार बन्द भएको छ भने सेन्सेटिभ परिसूचक पनि १ दशमलव ८१ अंकले घटेको छ । आइतबार ४१ करोड ५७ लाख भन्दा बढीको कारोबार भएको बजारमा आज सोमबार १ सय ६२ कम्पनीको ३६ करोड ४३ लाख ६४ हजार रुपैयाँ बराबरको सेयर कारोबार भएको छ । समग्रमा बजार ० दशमलव ७७ प्रतिशतले घटेको हो ।
कुल ११ वटा शेयर कारोबार भएकोमा होटेल बाहेक बाँकी सबै सुचक ऋणात्मक देखिएका छन् । जीवन बिमा समुहमा सबैभन्दा धेरै ६४.९८ अंकले घटेको बजारमा वाणिज्य बैंकको ६.१९ अंकले घटेको छ भने होटेल समुहको परिसुचक सकारात्मक देखिएको छ ।
आज बजारमा सबैभन्दा धेरै नेपाल बैंक लिमिटेडको २
करोड ७१ लाख रुपैयाँ बढीको शेयर कारोबार भएको छ । जसको सेयर मूल्य प्रतिकित्ता २८८ रुपैयाँ रहेको छ।
त्यस्तै, अपर तामाकोशी र प्रभु बैंक प्रोमोटर शेयरको दुई करोड भन्दा माथिको शेयर बिक्री भएको छ । त्यसैगरि नागरिक लगानी कोष, एनआईसी एसिया बैंकको एक करोड भन्दा माथिको कारोबार भएको छ ।
यसैगरि यस दिन सर्वाधिक कमाउनेमा सेन्ट्रल फाईनान्स कम्पनीका लगानीकर्ताहरु रहेका छन् । जसको शेयरमा आज ३ दशमलव ६७ प्रतिशतले वृद्धि भएको छ। बरुण हाईड्रोपवरका सेयरधनीले दुई प्रतिशत भन्दा बढिका दरले कमाएका छन् । यसबाहेक, आरएसडीसी लघुवित्त, सिदार्थ इक्विटी लगायतका सेयरधनीले कमाएका छन् ।
सबैभन्दा धेरै आखु खोला हाईड्रोपवरका शेयरधनीले ४ दशमलव ७०
प्रतिशत भन्दा बढीले गुमाएका छन्।
यस्तै खानी खोला हाईड्रोपवर, कालिका लघुवित्त, लक्ष्मी लघुवित्त लगायतका सेयरधनीले गुमाएका छन् ।
