साताको अन्तिम दिन सामान्य अंकले बढेर बन्द नेप्से, २७ करोडमाथिको कारोबार

आज साताको अन्तिम दिन बिहीबार सेयर बजारमा नेप्से बढेको छ । नेप्से सूचकसँगै कारोबार रकममा सुधार देखिएको छ ।

              

नेपाल स्टक एक्सचेन्ज (नेप्से) १ दशमलव ०४ अंकले बढेर १ हजार १ सय ६१ दशमलव ६३ को बिन्दुमा कारोबार बन्द भएको छ भने सेन्सेटिभ परिसूचक बढेको छ । बुधबार १९ करोड २० लाख भन्दा बढीको कारोबार भएको बजारमा बिहीबार १ सय ६८ कम्पनीको २७ करोड ३३ लाख ८७ हजार रुपैयाँ बराबरको सेयर कारोबार भएको छ । 

पाँच सुचक सकारात्मक देखिएको बजारमा ६ सुचक ऋणात्मक भएका छन् । उत्पादनमूलक समुहमा सबैभन्दा धेरै १८.०२ अंकको सुधार देखिएको बजारमा वाणिज्य बैंकको १.१३, होटल १.९, विकास बैंक ५.२७, माइक्रोफाइनान्स ०.५, र अन्य १.२५ अंकले उकालो लागेका छन् भने अरु सबै समुहको परिसुचकमा गिरावट आएको छ ।

 आज बजारमा नागरिक लगानी कोषको ३ करोड ९६ लाख रुपैयाँ बढीको सेयर कारोबार भएको छ । जसको सेयर मूल्य प्रतिकित्ता २७६४ रुपैयाँ रहेको छ । त्यस्तै, सिटिजन्स बैंकको एक करोड ७३ लाख रुपैयाँ बराबरको सेयर बिक्री भएको छ । कम्पनीको सेयर मूल्य अघिल्लो दिनको तुलनामा १ रुपैयाँले घटेर प्रतिकित्ता २०९ रुपैयाँमा झरेको छ ।

                  

यसैगरि यस दिन सर्वाधिक कमाउनेमा चौतारी लघुवित्त वित्तीय संस्था लिमिटेडका लगानीकर्ताहरु रहेका छन् । जसको शेयरमा आज ८ दशमलव ४० प्रतिशतले वृद्धि भएको छ। पुर्णिमा विकास बैंकका सेयरधनीले सात प्रतिशत भन्दा बढिका दरले कमाएका छन् । यसबाहेक, सामुदायिक लघुवित्त, उन्नती माइक्रोफाइनान्स, सपोर्ट माइक्रोफाइनान्स, आरम्भ माइक्रोफाइनान्स लगायतका सेयरधनीले कमाएका छन् ।

सबैभन्दा धेरै सिटि एक्प्रेसका शेयरधनीले ९ दशमलव ७५ प्रतिशत भन्दा बढीले गुमाएका छन् । यस्तै सानिमा इक्विटी  फण्ड, मिर्मिरे लघुवित्त, नयाँ नेपाल लघुवित्त, ओरेन्टल होटल, माइक्रोफाइनान्सको लगायतका सेयरधनीले गुमाएका छन् ।